Op Invitatioun vum Monseigneur Jean-Claude Kardinol Hollerich, hat d’Jugendpastoral 180 Jonker invitéiert, fir un de Weltjugenddeeg (JMJ)am Summer 2023, zu Lissabon deelzehuelen. Esou konnten si eng déif Glawenserfarung maachen.. Den Depart war a Präsenz vum Kardinol a Form vun enger Pilgerrees mam Bus vu Lëtzebuerg op Lissabon mat Statiounen zu Lourdes – Loyola – Braga – Fatima.
Virum Depart waren JMJ @home” hei zu Lëtzebuerg organiséiert ginn, fir déi Jonk aus Thailand, Vietnam, Japan an Australien z’empfänken. Dës 3 Deeg vun de JMJ @home sollten der ganzer Kierch zu Lëtzebuerg en Impuls ginn.
D’Rees selwer huet 15 Deeg gedauert an dëst waren d’ Etappen:
3 Deeg als Pilgerrees am Bus Lourdes – Loyola
5 Deeg an der Diözees vu Braga
6 Deeg op de JMJ zu Lissabon
Am Kader vun der Participatioun vun eiser Äerzdiözees un de JMJ, hat de Mgr Jean-Claude Hollerich 10 Jonker aus Thailand invitéiert, fir datt si sech dem Grupp vu Jugendlechen aus Lëtzebuerg konnten uschléissen.
Weltjugenddeeg (JMJ)- Erklärung
De World Youth Day (WYD) ass en Treffe vu jonke Leit aus der ganzer Welt mam Poopst. Et ass och eng Wallfaart, eng Feier vun de Jonken, en Ausdrock vun der universeller Kierch an e staarke Moment vun Evangeliséierung an der Welt vun de Jonken. Dës Wallfaart wëll alle Participanten eng Erfarung vun der universeller Kierch erméiglechen, andeem si eng perséinlech Begéinung mat Jesus Christus favoriséieren.
D’JMJ sinn och en neien Impuls fir de Glawen, d’Hoffnung an d’Näechsteléift vun der Gemeinschaft aus dem Gaaschtland. D’Weltjugenddeeg wëlle Fridden, Eenheet a Bridderlechkeet tëscht de Vëlker an den Natioune ronderëm d’Welt fërderen, mat de Jonken als Haaptakteuren.
Dës Weltjugenddeeg goufe vum hellege Poopst Johannes Paul II lancéiert; hie sot: “Tous les jeunes doivent se sentir accompagnés par l’Église: c’est pourquoi toute l’Église, en union avec le Successeur de Pierre, se sent plus engagée, dans le monde entier, en faveur des jeunes, leurs préoccupations et demandes, leur ouverture et leurs espérances, pour correspondre à leurs aspirations, en communiquant la certitude que le Christ est, la Vérité qui est le Christ, l’Amour qui est le Christ, à travers une formation appropriée ».
De Poopst Franziskus luet déi Jonk an a seet zu hinnen:
“Wenn du die innere Kraft, die Träume, den Enthusiasmus, die Hoffnung und die Großmut verloren hast, tritt Jesus vor dich, wie er vor dem toten Sohn der Witwe erschien, und fordert dich mit all seiner Auferstehungsmacht auf: Junger Mensch, ‘ich sage dir: Steh auf!’ ”
MENTIOUN VUM DON: JMJ2023
CCPLLULL LU64 1111 7017 0305 0000 BILLLULL LU42 0027 5100 4006 0800
BCEELULL LU53 0019 4055 0036 1000
D’Donen un d’Fondation Sainte-Irmine si vun der Akommessteier ofsetzbar no de gesetzleche Bestëmmungen.
