Geschicht an Architektur vun der Kapell
Am Juli 1931 hunn d’Jesuitte sech zu Lëtzebuerg néiergelooss, deemools an der rue Bel Air, déi haiteg Avenue Gaston Diderich. An dësem Stater Quartier, deen am Opbroch war, hu si d’Organisatioun vun der kathoulescher Relioun iwwerholl.
Well de Quartier vum “Belair” keng ëffentlech Kierch hat, huet d’Gemeinschaft vun de Jesuitten decidéiert, eng Kapell ze bauen. Den Architekt Hubert Schumacher (1896-1961) gouf mat de Pläng chargéiert. De Grondstee gouf de 6. Oktober 1931 geluecht an de 16. August 1932 gouf d’Kapell vu Christus de Kinnek (Christ-Roi) feierlech ageweit.
Wat besonnesch an dësem Raum, dee bis zu 300 Leit Plaz bitt, opfält, ass seng grouss Eenheet a seng Einfachheet. D’ästhetescht Virbild ass dat vum “Bauhaus”. Fir de 400. Anniversaire vun der Néierloossung vun de Jesuitten zu Lëtzebuerg am Joer 1594 würdeg ze feieren, huet d’Gemeinschaft d’Kapell no den initiale Pläng a mat Hëllef vum Architekt Jean Petit restauréiere gelooss.
Spendenopruff
D’Kapell brauch e reegelméissgen Ënnerhalt an déi nächst Aarbechten, déi ustinn, betreffen d’Elektrescht, d’Luuchten an d’Tounanlag. Bei dësen Aarbechte gëtt besonnesch dorobber opgepasst, dattd’Emweltnorme respektéiert ginn.
D’Kapell vum Christ-Roi, Privatbesëtz vun der Gemeinschaft vun de Jesuitten, brauch e reegelméissegen Ënnerhalt; dëse Projet vun der Fondation Sainte-Irmine erlaabt et, hiren Erhalt z’assuréieren.
MENTIOUN VUM DON: KAPELL VUM CHRIST-ROI
CCPLLULL LU64 1111 7017 0305 0000 BILLLULL LU42 0027 5100 4006 0800
BCEELULL LU53 0019 4055 0036 1000
D’Donen un d’Fondation Sainte-Irmine si vun der Akommessteier ofsetzbar no de gesetzleche Bestëmmungen.
Mat mengem Klick akzeptéieren ech d’Notzung vun deene Cookien, déi fir d’Bezuelen onbedéngt noutwenneg sinn. Méi doriwwer wëssen.
