De “Réseau Mondial de Prière du Pape” ass e peepstlecht Wierk dat sech un all Chrëschte riicht, fir datt si sech am Gebiet mobiliséiere kënne fir d’Erausfuerderunge vun der Mënschheet a vun der Missioun vun der Kierch, déi de Poopst ons all Mount uvertraut. An enger “Welt vu Gläichgëltegkeet” invitéiert de Poopst eis, eis Verantwortung an der Gesellschaft an an der Kierch z’iwwerhuelen, am Déngscht vun der Allgemengheet.
MISSIOUN
Fir datt de Mënsch Apostel duerch säi Gebiet gëtt, gëllt et déi missionaresch Verantwortung vun all Chrëscht an him z’erwächen, egal wéi seng Situatioun a Liewenszoustand ass.
De Poopst vertraut ons all Mount zwou Gebietsintentiounen un, déi seng grouss Suerge fir d’Mënschheet a fir d’Missioun vun der Kierch zum Ausdrock bréngen.
HISTORIK 
Gegrënnt am Joer 1844 a Frankräich ënner dem Numm “Apostolat vum Gebiet”, besteet dem Poopst säi Gebietsnetzwierk haut aus méi wéi 35 Millioune Leit, present an 89 Länner.
1929 huet d’Gebietsnetzwierk sech zu Lëtzebuerg etabléiert. Ee vun de bekanntste Promoteuren ass de Pater Joseph Schaack, s.j., deen eng Rëtsch Priedegten a reliéis Konferenzen a Paren zu Lëtzebuerg vun den 1950er bis 1980er Jore gehalen huet.
Fir dem Poopst säi Gebietsnetzwierk en neien Ufank ze ginn an zu sengen Aktiounen bäizedroen, kënnt Dir et ënnerstëtzen, andeems Dir en Don un Fondation Sainte-Irmine maacht.
MENTIOUN VUM DON: WELTGEBIETSNETZ VUM POOPST
CCPLLULL LU64 1111 7017 0305 0000 BILLLULL LU42 0027 5100 4006 0800
BCEELULL LU53 0019 4055 0036 1000
D’Donen un d’Fondation Sainte-Irmine si vun der Akommessteier ofsetzbar no de gesetzleche Bestëmmungen.
“Am Déngscht vum Dialog mat de Jonken”
Montant à collecter:
30.000 €
Mat mengem Klick akzeptéieren ech d’Notzung vun deene Cookien, déi fir d’Bezuelen onbedéngt noutwenneg sinn. Méi doriwwer wëssen
Danksagungsmass: Feiert mat eis!
Am Kader vum 10. Gebuertsdag vun der Fondatioun gëtt d’Tëleesmass dëse Sonndeg aus der neier Kapell vum Foyer Saint Jean-Paul II um Belval iwwerdroen.
Nei Koordinatoren fir d’Réseau Mondial de Prière du Pape
De Réseau Mondial de Prière du Pape huet eng nei Ekipp zanter Abrëll: den Diakon Michele Camposeo a seng Fra d’Isabella. Si schloen Iech vir, fir d’Intentiounen vum Poopst matzebieden.
