«Zesummen, wann och verschidden» (Ensemble même si différents) war e Projet, deen op Initiativ vum Pastoralrot vun der Por Esch-Uelzecht Helleg Famill am Kader vun Esch 2022, europäesch Kulturhaaptstad, organiséiert gouf.
D’Zil war et, d’Liewen, d’Kultur an d’Dynamik vun der kathoulescher Kierch wéi och hire Beitrag an der Populatioun ervirzehiewen an ze weisen, datt eng Zesummenaarbecht mat den anere Konfessioune méiglech ass.
Donieft stoungen eng Rëtsch aner Initiativen um Programm:
- d’Publikatioun vun engem Konschtbuch iwwer d’reliéis Gebaier zu Esch,
- Concerte mat renomméierten Ensembelen a Solisten,
- Konferenzen a Ronndëschgespréicher,
- d’Schafe vun engem Solidaritéitsmaart an Zesummenaarbecht mat den Acteure vun der Plaz (Caritas, Missio, Rout Kräiz, Foulards blancs…),
- e grousst interreliéist an ökumeenescht Fest, zu deem all Pore vun de Partnergemenge vun Esch 2022 ageluede goufen, zousätzlech zu deenen, déi um Gebitt vun Esch 2022 an an der franséischer Grenzregioun sinn,
- eenzel Evenementer, déi am Laf vum Kierchejoer stattfonnt hunn (wéi z.B. de Kräizwee mat alle Gemeinschaften op Karfreideg).
De Projet konnt an Zesummenaarbecht mat ville Veräiner a Gruppen e Maximum u Leit vun allen Originnen a Nationalitéiten erreechen. Och goufen all reliéis Konfessiounen abezunn, an déi verschiddene Begéinungen haten eng international Dimensioun.
Esch 2022 – Ännerunge vun de Plazen
OPGEPASST: WICHTEG Ännerungen
Aus technesche Grënn wäerten Evenementer am Kader vum “Projet Esch 2022 – zesummen och wa verschidden”, op anere Plaze stattfannen
Save the date – Esch 2022
Mir proposéieren, Iech elo schonn d’Datumer vun de Konferenzen, Concerten an Evenementer ze notéieren, déi am Kader vun Esch 2022 vun de verschiddene Culten organiséiert ginn. Dir fannt all Informatiounen an dëser Broschür.
Serigraphie fir Esch 2022 – zesummen, wann och verschidden
Fir d’Aktivitéite vum Projet “Esch 2022 – zesummen, wann och verschidden” deelweis ze finanzéieren, huet de bekannte Kënschtler Fernand Bertemes eng Serigraphie “Last glory Days” a limitéierter Oplo publizéiert.
Parcours gastronomique am Kader vun Esch 2022
Den 2. Juli 2022 huet en Visite guidée mat lokale Guiden am Kader vun Esch 2022 (PROJET Zesummen, wann och verschidden) 31 Participanten op 5 reliéise Sitten zu Esch-Uelzecht, Bieles, Monnerech a Schëffleng gefouert. E musikalesche Programm huet dat d’ganzt verschéinert.
Esch 2022: Europa-Fest
Am Kader vun Esch 2022 a vum Projet “Esch 2022 – zesummen, wann och verschidden” hat de Pastoralrot vun der Por Esch-Uelzecht Sainte-Famille den 9. Mee (Europadag) e Fest vun de Reliounen an der Rockhal um Belval organéisert.
