Restauréierung vun der Uergel an der Kathedral vu Lëtzebuerg

Restauréierung vun der Uergel an der Kathedral vu Lëtzebuerg

D’symphonesch Uergel vun der Kathedral vu Lëtzebuerg gëtt am Moment komplett restauréiert.

Zanter hirer Konstruktioun an de Joren 1937/1938 duerch d’Firma “Manufacture d’orgues luxembourgeoise G. Haupt” huet dëst historescht Instrument – mat sengen 106 Regësteren dat gréisst, dat jee zu Lëtzebuerg gebaut gouf – all grouss reliéis an national Feiere vum Land begleet, vum Te Deum op Nationalfeierdag an der Oktav all Joer bis hin zu eenzelen Evenementer wéi den Te Deum vun der Befreiung 1945, d’Visitt vum Poopst Jean-Paul II. 1985 oder och nach d’Prënzenhochzäiten an d’Staatsbegriefnesser vum Herrscherhaus vu Lëtzebuerg.

War d’Uergel bis an d’Siwwenzegerjoren eng absolut Referenz an der Uergellandschaft hei zu Lëtzebuerg an ass se och haut nach e wichtegen Zeie vum Uergelbau vun hirer Zäit, huet sech den Zoustand vun dem Instrument dach iwwer vill Jore lues ma sécher verschlechtert wéinst hirem Alter an der Ofnotzung vum Material. Haut bleiwen eng Partie vun den nach 82 Regësteren zum Deel stomm; d’elektronesch Kombinatioun an d’elektro-pneumatesch Iwwerdroung fonctionéieren net méi zouverlässeg; Startproblemer, stomm Tasten oder Päifen si méi heefeg ginn, de generellen Zoustand vum Material erlaabt kee stabille Klang vun der Uergel méi.

Déi éisträichesch Firma „Rieger Orgelbau GmbH“ gouf mat den Aarbechten, déi am Summer 2020 ugefaangen hunn an bis Ufank 2022 daueren, beoptragt. Den historeschen, musikaleschen an techneschen Enjeu vum Projet ass grouss: et geet drëm dem „groussen Haupt“ säi Statut als nationale kulturell a kultuell Symbol erëmzeginn.

Vum Chantier vun der Restauratioun gëtt och profitéiert, fir en neie performante Tounsystem (Omniwave) z’installéieren zu Gonschte vun enger allgemenger Verbesserung vun der Akustik an der Kathedral.

Déi Persounen, déi dësen aussergewéinleche Projet ënnerstëtzen an esou der grousser “Haupt”-Uergel zu neiem Liewe verhëllefe wëllen, kënnen en Don un d’Fondation Sainte-Irmine maachen.

KONTAKT / RESPONSABEL

Paul BREISCH

Titulaire des orgues de la Cathédrale de Luxembourg
paul.breisch@cathol.lu

Montant à collecter:

100.000 €

Veuillez indiquer le montant que vous souhaitez donner.
Informations personnelles

Information de carte bancaire
Paiement sécurisé par SSL.
Détails de facturation

Termes

Total du don : 5,00€

MENTIOUN VUM DON: RESTAURÉIERUNG VUN DER UERGL AN DER KATHEDRAL

CCPLLULL LU64 1111 7017 0305 0000

All Donen un d’Fondation Sainte-Irmine si vun der Akommessteier ofsetzbar no de gesetzleche Bestëmmungen.