Wat ass d’Bedeitung vun de Facteuren, déi un d’Relioun an d’Religiositéit gebonne sinn, am Prozess vun der Radikaliséierung? 
An Zesummenaarbecht mat respect.lu – Centre contre la radicalisation an dem IFEN – Institut de formation de l’Education nationale invitéiert Iech d’LSRS op de Jorescolloque vu respect.lu, deen iwwerschriwwen ass “Dieu e(s)t radicalisation?!” (Gott a/ass Radikaliséierung) an deen den 8. an 9. November 2023 um IFEN-Belval stattfënnt.
Den éischten Dag ass geduecht, fir eng philosophesch an historesch Analys vun de Phänomene vum Glawen a vun der Relioun ze maachen. An engem Ronndëschgespréich mat Vertrieder vu verschiddene Reliounsgemeinschaften an Experten an de Beräicher vum Humanismus, vun der Preventioun vun der Radikaliséierung a vun der Theologie wäerten déi positiv an déi negativ Aspekter vun de Relioune beliicht ginn. D’Haapttheeme vum 2. Dag: Religiositéit an nei Technologien, Glawen a Radikalismus, eng psychodynamesch Approche vun der Fro “Virwat gleewe mir?”
Wärend den zwee Deeg kënnt Dir Iech a 4 parallel Ateliere mat dësen Theemen aschreiwen:
• U wie gleefs du? Wéi vum Glawen an engem formellen an an engem onformelle Kader schwätzen?
• Radikale Glawen ≠ Glawen an dat Radikaalt
• D’Sekteen: vu wéini u gi se geféierlech?
• Digital reliéis Radikaliséierung: de Glawen am ëffentlechen digitalen an analoge Raum
Fir méi gewuer ze ginn, klickt hei.
FIr d’LSRS ze ënnerstëtzen, klickt hei !
Am Haus vun der Natur op der 
