Biede mir, datt d’Sakrament vun der Krankesalbung deene Mënschen, déi et empfänken, an deenen, déi hinnen no stinn, d’Kraaft vun eiser Här schenkt, an datt dëst Sakrament fir eis all ëmmer méi e siichtbaart Zeeche vu Baarmhäerzegkeet an Hoffnung gëtt.
Fir de Video op Youtube ze kucken, klickt op d’Foto heidrënner:
D’Aarbechten an der Glacis-Kapell gi gutt virun. Hei e puer rezent Impressioune vum Chantier. Am Kader vun de Renovatiounsaarbechten an der Kapell gëtt ënnert anerem den Ustrach vum Interieur erneiert an eenzel al Wandmolereie gi fräigeluecht a restauréiert. Donieft gëtt och d’Beliichtung an der Kapell moderniséiert.
Dir kënnt dëse Projet weiderhi mat engem Don ënnerstëtzen!
Suivéiert eng Konferenz a franséischer Sprooch vum Prof. Dr. François Euvé: “La science à l’épreuve de Dieu”, fir en neien Dialog tëscht moderner Wëssenschaft an zäitgenësseschem Glawen.
Fir d’LSRS ze ënnerstëtzen, klickt hei !
Huelt deel un enger Konferenz an däitscher Sprooch vum Prof. Dr. Friedhelm Brusniak, déi iwwerschriwwen ass “Da Pacem, Domine – Chorsingen als Beitrag zur Wahrung des Friedens”. Dës Konferenz gëtt organiséiert vun der LSRS an ACAT Lëtzebuerg.
Fir d’LSRS ze ënnerstëtzen, klickt hei !
Den 3. Mee sinn d’Elteren, d’Kanner an d’Ekipp vun der Schoul zesummen an d’Kathedral gaangen, fir hei Maria ze veréieren. Dësem Gebietsmoment stoung de Fr. Michael Cuzack vir.
Fir dëse Projet ze ënnerstëtzen, klickt hei!
Am Kader vun der partieller Renovatioun vun der Glacis-Kapell goufen zanter November 2023 Wandmolereien um Ducksall a riets a lénks vum Grafstee vum Mgr Nicolas Adames, éischte Bëschof vu Lëtzebuerg, fräi geluecht respektiv erneiert.
An enger zweeter Phas gi lo ab dem 6. Mee 2024 och d’Wandmolereie ronderëm d’Grafplack vum Mgr Jean-Joseph Koppes, zweete Bëschof vu Lëtzebuerg, erneiert. Doriwwer eraus kritt d’Kapell bannen en neien Ustrach an eng nei Beliichtung.
Profitéiert gëtt och vun der Geleeënheet, fir de grousse Wandteppech vun 1966 mam Motiv vun der Tréischterin am Chouer ze botzen.
Fir dës zweet Phas vun den Aarbechten ass d’Glacis-Kapell vum 6. Mee un fir e puer Méint zou.
Fir de Projet ze ënnerstëtzen, klickt hei!
E Samschdeg, de 27. Abrëll weit de Kardinol Jean-Claude Hollerich den Diego de Lima zum Diakon an de Léon Weber an de Jakob Zeilinger zu Priister fir eis Diözees. Sidd mat derbäi bei hirer Wei!
Dës Weie schreiwen sech an an de Motto vun der Oktav 2024 “…. fir ze déngen”.
Wann Dir d’Formatioun vun de Seminaristen ënnerstëtze wëllt, klickt hei!
Wann Dir de Fonds d’avenir vun der Kierch matdroe wëllt, klickt hei!
Dëse Samschdeg, 20. Abrëll, fänkt d’Oktav un. Huelt deel um Pélé a gitt a biet mat duerch d’Nuecht – vu 14 Joer un an ouni Altersgrenz.
De Rendez-vous ass e Samschdeg, 20.4., um 22 Auer um P+R zu Jonglënster.
Dir kënnt Iech aschreiwen, andeems datt Dir de Code vum Bild scannt oder op dëse Link klickt.
Ënnerstëtzt d’Pastoral vun der Kierch zu Lëtzebuerg duerch en Don un d’Fondatioun Sainte-Irmine.
De leschten 21. Mäerz huet d’Scuola Materna Cattolica Internazionale mat hirem Gesang an hirer Percussioun um Event vun de Friddenstrommler deel geholl.
Fir dëse Projet ze ënnerstëtzen, klickt hei!
Léif Visiteuren,
D’Ekipp vun der Fondatioun huet de Joresrapport 2023 gemaach, fir datt Dir all wichteg Informatiounen zur Stëftung an hiren Aktivitéiten a Projeten fannt, déi mat der Hëllef vun Ären Done konnte finanzéiert ginn.
Mir soen Iech e grousse Merci fir Är lescht Donen an hoffen, och 2024 op Ären Appui zielen ze kënnen!
