Nodeems am Kader vun der Valorisatioun vun der Kathedral vu Lëtzebuerg 2024 zwou grouss Tapisserien restauréiert goufen, plangt d’Kierchefabrick vun Notre-Dame en neie Projet fir 2025. An der Krypta wäert dat historescht Eisegitter ronderëm d’Altorinsel restauréiert an nees installéiert ginn. De Käschtepunkt soll bei ronn 25.000 Euro leien.
Am Januar 2025 wäert doriwwer eraus och d’Fënster (Rosette) um Niveau vum Ducksall zur Säit vum Parvis vun der Kathedral duerch eng entspriechend Beliichtung opgewäert ginn.
Wann Dir hëllefe wëllt, de Patrimoine vun der Kathedral ze valoriséieren, da klickt hei!
